Fullstack forritari með áherslu á framenda/viðmót

Við leitum að fullstack forritara með brennandi áhuga á viðmótshönnun og notendaupplifun. Snjöll þjónusta er eitt af fimm leiðarljósum í stefnu LV. Þannig miða tæknilegir innviðir sjóðsins að því að veita snjalla þjónustu út frá þörfum sjóðfélaga og launagreiðenda. Við leitum að öflugum og metnaðarfullum liðsfélaga til að slást í hópinn og takast á við krefjandi og spennandi verkefni sem framundan eru.

Á upplýsingatæknisviði starfar samhentur hópur sérfræðinga við hugbúnaðarþróun. Við eigum og rekum eigin upplýsingakerfi sem sérhæfð eru fyrir starfsemi lífeyrissjóðsins. Kerfin eru í stöðugri þróun og við notum nýjustu tækni við hugbúnaðargerð á hverjum tíma.

Helstu verkefni:

• Hönnun og smíði hugbúnaðar
• Innleiðing og útfærsla stafrænna lausna fyrir sjóðfélaga og launagreiðendur
• Viðhald á viðskiptahugbúnaði sjóðsins
• Þróun og innleiðing úrbóta og nýrra lausna

Menntunar og hæfniskröfur:

• Menntun á sviði tölvunarfræði
• Reynsla af framendaforritun
• Reynsla af CI/CD er kostur
• Færni í forritun (Java, C#)
• Þekking á gagnagrunnum og SQL fyrirspurnamálinu
• Reynsla af UI/UX hönnun
• Sjálfstæði í störfum, frumkvæði og þjónustulund
• Geta til að vinna vel í hópi

Viltu sækja um?

Umsókn ásamt ferilskrá sendist á haraldur.arason@live.is. Farið verður með allar fyrirspurnir og umsóknir sem trúnaðarmál.