Nokkur mikilvæg atriði ef þú ert að skipta um vinnu:

• Gerðu nýjan samning um séreignarsparnað á Mínum síðum því hann flyst ekki á milli launagreiðenda.
• Láttu launagreiðanda vita að þú viljir greiða í Lífeyrissjóð verzlunarmanna nema þér beri skylda til að greiða í annan sjóð samkvæmt samningi.
• Ef þú ert orðin(n) 45 ára gæti verið skynsamlegt að skoða tilgreinda séreign.
• Kannaðu hvort þú getur samið um viðbótarframlag frá launagreiðanda í séreign. Það getur hentað launagreiðendum að gera vel við starfsmenn með þessum hætti þar sem engin launatengd gjöld fylgja greiðslunni (sjá dæmi neðar á síðu).
• Ef samningur um skiptingu réttinda á milli hjóna er virkur og þú ferð að greiða í annan lífeyrissjóð þarftu að láta nýja lífeyrissjóðinn vita af samningnum.

Viðbótarframlag launagreiðanda í séreign

Stundum getur verið auðveldara að sækja hlunnindi sem ekki skapa annan kostnað eins og þegar um launahækkun er að ræða. Viðbótarframlag launagreiðanda í séreignarsparnað er ein leið til þess. 

Samkvæmt lögum getur launagreiðandi greitt allt að tveimur milljónum króna aukalega á ári í séreignarsparnað fyrir þig til viðbótar við 12% heildarmótframlag án þess að það sé talið þér til tekna. Þetta getur verið gott fyrir þá sem eiga lítinn séreignarsparnað eða einfaldlega vilja auka sinn sparnað.

• Lögbundið lágmarksmótframlag launagreiðanda 11,5%
• Mótframlag launagreiðanda vegna séreignarsparnaðar er 2% 
• Samtals 13,5% mótframlag

Dæmi um útreikning á viðbótarframlagi

• Launagreiðandi má greiða að hámarki 12% af launum auk tveggja milljóna.
• Þar sem launagreiðandi er að greiða 13,5%,  þ.e. 1,5% hærra en kemur fram í lögum, þarf að draga 1,5% frá þessum tveimur milljónum til að fá út hvað viðbótarframlagið getur verið.
• Launþegi er með 600 þúsund krónur í laun á mánuði, 600.000 * 1,5% = 9 þús, * 12 mánuði, samtals kr. 108.000 á ári sem er umfram 12%.
• 2.000.000 – 108.000 = 1.892.000.

Svigrúmið fyrir aukið mótframlag í séreign frá launagreiðanda er 1.892.000 kr. án þess að greiða af því skatt.