Fjárfestingarstefna sjóðsins markar stefnu fyrir eignasamsetningu og eignastýringu sameigna- og séreignadeilda sjóðsins byggir á lögum um lífeyrissjóði 129/1997. Stefnan tilgreinir þau viðmið og þær áherslur sem sjóðurinn styðst við þegar kemur að stýringu eigna sjóðsins.

Sjö eignaflokkar

Eignasöfnum sjóðsins er skipt í sjö eignaflokka sem hver um sig hefur skilgreint viðmið eins og fram kemur í stefnunni. Fjárfestingarstefnan er yfirfarin árlega af stjórn sjóðsins sem auk þess hefur reglubundið eftirlit með framkvæmd hennar. Fjármálaeftirlit Seðlabanka Íslands fær sömuleiðis ársfjórðungslegar upplýsingar um eignasöfn sjóðsins og fylgist með því að þau séu ávallt innan þeirra marka sem fram koma í stefnunni.