Fram kom að fyrstu 9 mánuði ársins hefur afkoma sjóðsins verið góð, eignir aukist um 118 milljarða króna. Að óbreyttu stefni í góða ávöxtun, en sá eðlilegi fyrirvari á, að enn er árið ekki liðið og getur afkoma breyst fram til áramóta. Guðmundur Þ. Þórhallsson, framkvæmdastjóri sjóðsins, kynnti helstu afkomutölur fyrstu þrjá fjórðunga ársins og gerði grein fyrir stöðu sjóðsins. Kynning á starfsemi LV. Tómas Njáll Möller, yfirlögfræðingur sjóðsins, kynnti tilurð og hlutverk fulltrúaráðsins  og fór yfir helstu áfanga í sögu sjóðsins og lífeyriskerfisins í landinu. Arne Vagn Olsen, forstöðumaður eignastýringar, fór yfir fjárfestingar og fjárfestingarstefnu sjóðsins.