LV hefur sett sér stefnu um útilokun fjárfestingarkosta með tilliti til ábyrgra fjárfestinga. Markmiðið er að útiloka að hluta eða fullu fjárfestingar í tiltekinni starfsemi sem samræmast ekki skilgreindum viðmiðum.

Listi yfir útilokaða fjárfestingarkosti hefur verið birtur á vef sjóðsins frá árinu 2021.  

Meðal starfsþátta sem útilokaðir eru úr eignasöfnum LV eru: 

• framleiðendur tóbaks 
• framleiðendur umdeildra vopna 
• tilteknir flokkar jarðefnaeldsneytis og 
• útgefendur sem brjóta gegn tilteknum alþjóðasamningum sem falla undir UN Global Compact. 

Aukin gæði gagna með Sustainalytics  

Á síðasta ári samdi sjóðurinn við Sustainalytics gagnaveituna um aðgang að gögnum um sjálfbærniupplýsingar. Sustainalytics eru leiðandi á sínu sviði og markmið samningsins að bæta aðgang sjóðsins að gæðagögnum um sjálfbærniupplýsingar.  

Áhersla er á að beita útilokun þar sem LV fer með beint eignarhald. Beiting útilokunar getur verið erfiðari í útfærslu þar sem eignarhald er óbeint til að mynda þegar fjárfest er í sjóðum.  

Meðfylgjandi er útilokunarlisti LV miðað við árslok 2024.