Fara á efnissvæði

Sláðu inn leitarorð

Sjóðurinn í hnotskurn

Lífeyrissjóður verzlunarmanna var stofnaður árið 1956 og er stærsti opni lífeyrissjóðurinn. Kynntu þér kosti sjóðsins

Árið 2024 í hnotskurn

Fjöldi sjóðfélaga

189

þúsund

10,8 þúsund launagreiðendur

Lífeyrisiðgjöld

50

milljarðar

Sameign 46,5 milljarðar

Séreign 3,5 milljarðar

Lífeyrisgreiðslur

40,3

milljarðar

til 27 þúsund sjóðfélaga

Starfsmenn & stjórn

60

starfsmenn

8 stjórnarmenn

Samskipti

26.912

símtöl

Heimsóknir

-  til ráðgjafa 4.437

- á Mínar síður 149.462

- á live.is 261.463

Lán

20,5

milljarðar

826 ný lán

24,8 milljónir að meðaltali

Eignasöfn

1.458

milljarðar

Sameign 1.420 milljarðar

Séreign 37 milljarðar

Afkoma 162 milljarðar

Yfir

45.000

eignir

í 87 löndum

Sameignardeild

7,3%

raunávöxtun

5 ára árleg raunávöxtun 3,3%

10 ára árleg raunávöxtun 4,6% 

Eignasamsetning sameignardeildar

37,8%

erlend hlutabréf

Veðskuldabréf og fasteignatengd verðbréf 18,8%

Önnur skuldabréf 6,2%

Innlend hlutabréf 13,5%

Ríkisskuldabréf 11,1%

Erlend skuldabréf 11,9%

Innlent laust fé 0,7%

Dreifing eigna sameignardeildar

50%

Ísland

Evrópa án Íslands 9%

Norður Ameríka 37%

Aðrir heimshlutar 4%

Nafnávöxtun séreignar

12,4%

Verðbréfaleið

Ævileið I 12,4%

Ævileið II 10,3%

Ævileið III 8,2%

Stóra myndin

LIV Arsskyrsla Utskyringarmynd 1920X1080px 21223 (1)
LIV Arsskyrsla Utskyringarmynd 1920X1080px 21223 (1)

Starfsstöð Lífeyrissjóðs verzlunarmanna er í Reykjavík en þjónustan aðgengileg víðar í gegnum öfluga stafræna þjónustu og þjónustuver. Sjóðurinn móttekur iðgjöld, veitir upplýsingar og ráðgjöf, ávaxtar eignir og greiðir lífeyri.

Starfsemin varðar afkomuöryggi sjóðfélaga og fjölskyldu hans. Réttindi í lífeyrissjóði eru hluti af ráðningarkjörum starfsfólks. Framlag launagreiðenda til lágmarksframlags er 11,5% en launafólks 4% og til viðbótar er framlag launagreiðenda í séreign allt að 2% á móti allt að 4% framlagi launafólks.

Frá iðgjaldi að lífeyri

Iðgjaldið er ávaxtað á fjármálamörkuðum. Þar fá fyrirtæki fjármögnun til að vaxa og dafna og ráða til sín starfsfólk. Starfsfólk getur þá nýtt launin sín til að afla sér og fjölskyldu sinni matar, húsnæðis og annars sem daglegt líf kallar á. Þau umsvif skapa ríkinu tekjur með sköttum sem fjármagna velferðarkerfið og innviðauppbyggingu samfélagsins. Aðrar fjárfestingar eru oft á tíðum skuldabréf ríkis og sveitafélaga sem fá þannig fé til fjárfestinga.

Iðgjaldið vex með ávöxtun til lengri tíma og er greitt út í ævilöngum lífeyri. Ævilangur lífeyrir þýðir að sjóðfélaginn þarf aldrei að óttast að tæma sparnaðinn þó hann lifi langa ævi.

Áfallavernd

Við fráfall fer hluti réttinda sjóðfélagans til maka hans og barna. Þau fá greiddan lífeyri og mest rennur til þeirra sem eiga ung börn. Makalífeyrir er greiddur í að lágmarki fimm ár og einnig þar til yngsta barn verður 23 ára, auk barnalífeyris til 20 ára aldurs yngsta barns. Sjóðfélagi sem missir heilsuna, og getur ekki unnið fyrir sér og sínum vegna sjúkdóms eða slyss og missir tekjur vegna þess, hefur rétt til örorkulífeyris að ákveðnum skilyrðum uppfylltum. Greiðslur eru háðar því sem greitt hefur verið til sjóðsins, hversu mikið starfsorka er skert og síðast en ekki síst hvort viðkomandi hefur öðlast rétt til framreiknings en þá reiknast örorkulífeyrir eins og sjóðfélagi hafi greitt af sömu launum til 65 ára aldurs. Eftir það tekur við hefðbundinn ævilangur lífeyrir.

Sjóðfélagalán

Sjóðfélagar geta fengið lán til fasteignakaupa hjá sjóðnum. Þegar sjóðurinn lánar út fjármuni sem greiddir hafa verið til sjóðsins, til að standa undir eftirlaunum sjóðfélaga, eru vaxtakjörin miðuð við sambærilega fjárfestingarkosti.

Ævilangur lífeyrir

Ævilangur lífeyrir er hluti launatekna eftir starfslok. Þeim sem vilja auka sparnað sinn býðst góður kostur í valfrjálsum séreignarsparnaði. Sá sem sparar að minnsta kosti 2% launa í séreign fær 2% mótframlag frá launagreiðanda. Þannig tvöfaldast sparnaðurinn um leið og hann hefst. Sparnaðurinn nýtur einnig ákveðins skattahagræðis og má jafnframt nýta til að greiða niður fasteignalán með enn meira skattalegu hagræði og vegna kaupa á fyrstu íbúð.

Til fyrirmyndar

LV hefur áhrif sem stór fjárfestir og sendir þeim skýr skilaboð sem stjórna fyrirtækjum sem fjárfest er í um að sjóðurinn ætlist til góðra stjórnarhátta og góðra áhrifa á félagslega og umhverfislega þætti. Sjóðurinn beitir sér í samtölum við stjórnendur fyrirtækja og ráðstafar atkvæðum sínum á hluthafafundum með gagnsæjum hætti. Sjóðurinn vill vera fyrirmynd og leiðandi í góðum stjórnarháttum sem hafa góð áhrif á samfélagið til framtíðar.

Óefnislegar Eignir

Ársskýrsluvefur sjóðsins

Kynntu þér fleira um eignasöfn, ávöxtun og lífeyri á ársskýrsluvef sjóðsins. Þar má líka finna umfjöllun um ábyrgar fjárfestingar, fjármagnaða losun og GRI sjálfbærniuppgjör.

Ársskýrsluvefur